للتسجيل اضغط هـنـا
 الإهداءات | |
| |||||||
| ليالي دواوين الشعراء دواوين لكل الشعراء |
ليالي دواوين الشعراء
| | LinkBack | أدوات الموضوع | انواع عرض الموضوع |
01-08-2010, 08:52 PM
| #1 (permalink) |
|
كبار الشخصيات لونـي المفــَضـَل: Cadetblue |
ديــوآن الشـــاعر محمــد جــار الله السهلـــي ....
... محمــــد السهلـــي ...  . .   شــآعـر يعتبــر نجــم مـن نجــوم الشعــرآء الخليجيــن ، اثبـت شـــآعريته مـن خــلال ريشــه إبــداعآتـه يمــلك إحســاس شعـــرياً نـادراً يميــزه عــن غيـــره مـن الشعــراء حيــن يكتـب تشعــر بـأن الحــب بــدأ يأخــذ شــكل جــديد بأسلــوبه الخـآص ألتفتــوا إليـه متــذوقين الشعــر وأصبحـــوا مـن المتــابعين بشغــف لشعــرهـ أطلـــق علـــيه جــار القمـــر .... |
| |
|
01-08-2010, 09:41 PM
| #2 (permalink) |
|
كبار الشخصيات لونـي المفــَضـَل: Cadetblue | 
 7 7 7 7 ( أصعــب سـؤال ) اللي جوابه للأسف مثله ( سؤال ) !! ما هـو تفلســف !! الا مـوقف صار واسمع ثـاني بيـت : البــارحه يــومه ســأل : ( وش ذكــرك ذيك اللـيال ؟ ) كـان الجــواب بكل بساطه : ( من متى اصلا نسيت ؟ ) أدري بإن جمع ( الصعوبه والبساطه ) شي محال !! لكنــها صـارت كــذا ! واللـي ( أهــم ) انـي دريـت : ان الحــيـاه فبعــد احبــابك اذا جـــف الــوصال اتعيشها لو تقتنـع انك خلاص اصبحت ( ميت !!) يا صــاحبي لــو كـل شـي يــمر بــالخــاطر يقــال ما كانــت العــبره تــــولجني اليـــامنــك طـريت ؟! شفني قدرت احبس دموعي بس ( دمع القاف ) سال ويا كبــرها ســاكت ولكــن داخــل اوراقــي بكيــت !! عمــر الحكـي ما كـان دافي لاابتــدى بقـولة تعال لجــل اتجــاهل رجفــة حـــروفي اليــامني حكيــت .. الحــال في بعـــدك قســم بالله ما اسمــيه حـــال انوي على الضحكه واحس كلي خطا لإني نويت ؟! اتصــور انـك من رحلت اشــوفك لجــسمي ظــلال لا شفتته امشي ببتعـد واثره معــي مهــما مـشيت !! مــدام يعني فــي بحــرك لـفــرحتي مليــون جــال وش فيه موجك ما ركد ؟ قربت أمـوت وما رسيت يرضيــك ما عــادت معـي تفــرق اذا جــالك مجــال لاني اقتنــعت انك نــهايه واني ببطــي ما بــديت !! صــرت ( اعقد حجاجي ) اذا جـابوك باطراف الجدال وانا قبــل لاقــالوا اسمـــك كــني : ميــت ثم حييـت .. تعبــت أعيــش الــدور وافتــح للمعـــاذير الخيــال واتخيـــل اني جــيت في بــالك وبــإنك استحــيت .. وتردلي كلك (( وله )) وتقول : ( كن البعد طال ؟ ) ومن الـفرح ما عـاتبك واقــول : ( ياخي مابغيت ! ) حتى وانــا تخــيل حشمتــك ! لن قلــبي لا يــزال يكــرر اسمــك داخـل اعمــاقي بنبضه لا ســهيت قلي شســوي فيـك ؟ وانت بــداخلي اصـدق مثــال للحب واحســاس القصيـد ان عـانق الليل وسريت ربـي يــصــبرنـي علـى الفــرقا مــدام الحـظ مــال وانت بيجيلــك يـوم تعـرف ليه في بــعدك شــكيت واذا بــلاك الله وعــذبـك اشتيــاقك ( بــس تعــال ) واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) لا قلتلي ( وش ذكرك ؟ ) ثم قلتلك ( متى نسيت ؟ ) .........................  لاصــرت بايعـني اشـوفك على خير مــع الســلامه دام مــابــه ســلامه قلـت انتهيـنه قلتلــك خـير يـا طير ماني أول شخــص يخسـر غـرامه امحــذرك من قبــلها الـف تحــذير لعـفتــني بيعــف قلبــي هيــامه مـاني بمــيت لا ولا احتـاج تـبرير صــح الله لســانك ووفــر كـلامه بسمعــك حـبكه وفكــره وتصوير وافهــم عــدل يــامدعي بالفهامه وجه الشعر ابيض ويحتاج تبرير ودي تـــزينها القصيـــده عــلامه ماضيك الاسود بذكره دون تقصير كــذا يكــون بخــده الشـعر شــامه يصـدق معي تعبير ويخون تعبير ياضيعت الشاعر بوقت انسجامه يمكــن خطـى دونـك بالشـعر مير لو ماحتــرمتك للغــرام احتـرامه ماكان حبك غير بس طعنتك غير علمــتني معنــى النــدم والنــدامه مـاجــاك مـني اي زلــه وتقصــير كل ما خطيـت اعــاتبـك ببتسـامه حسبي على الذكره اذا هبت عصير ماعــاد تنفـع شـرهـتي والمــلامه البال ظــامي وقتـها والحـزن بير خسـرتك وهمـي كسبـت اهتمامه ........................................  النص / حالة تجـرّد / فلسفـه حـرة محـاولـة للتـــوّحـد والخصــوصـيّـة علاقتي فيه : حب ومن طـرف واحـد نــزعاتهـا تفتـقـــد نـــزعـه ثنــائـيّـه كريم .. وإكرامـا ً لجيّتـه فتـي بالــي ذبحـت لـه منهـــج ومطلـــع وقــافيّـه وعــزمت .. ما لا كتبته مـن قناعاتـي ومـا تيّســـر مـن أحــرفنـا الهجــائيّـة يا ضيفي المتعب من الضوء والشهـرة الليلـــة أنســـى معــايـيـر النجــومـــيّـة خذ راحتك واترك إحساسي ورى ظهرك شــاعـرك مستـاء و أفكـــاره جنــونيّـة يؤمن بأشيـاء : مـا يقـدر يفسّرهـا ويكفـر بأشيـاء : جبريّـة وحتميّـة الكون في نظرته مـن شرقـه لغربـه كل شي ّ في داخلـه مسلـوب حريّـة الروح مسجونـة فـجسـم البنــي آدم والآدمـي منسجن فـي كـــوره أرضيّـة وبالرغم من كبر حجم الكوكب المائـي الأرض مسجـونـة بقـبّـــة سمـــاويّـة لذا يكون الخضـوع أحيـان بالفطـرة تحت أسس واضحـة لأحكـام كونيّـة والدين في نظرته مـن وحيّـه لفقهـه أسمـى رتـب الاحتيــاجـات الغـريزيّـة تأكيـد لا منطقــيّ الفكــر بالمــنـطـق وتجسيد الإعجاز فـي فكـرة بـديهيّـة إعطاء الإنسان معنـى إنسـان فعليـا ً إحساسـه بقيـمـة العيـــش بشموليّـة لذا يكون الرقـي فـي أعظـم أحوالـه تـعلّــــق الــذات بــالـذات الإلاهـيّـــة والحكم في نظرته مـن عدلـه لظلمـه تصحيح الأخطاء في صـوره ضبابيّـة تصريح بـان الحيــاة المقــبلـة أجـمـل وتوضــيح معنـى الفخــامـة والرفاهيّـة وفساد الأرض وخضوع الحق للباطـل الحاصل متــن الصــراعـات السـياسيّـة لذا تكون الـدول فـي العالـم الثالـث هيئـة لتنــفيـع مجمــوعـة حرامـيّـة والشعب في نظرته مـن بعضـه لكلـه الركـض خلـف التفــاهـات الكمـاليــه تكريــس الاذهـــان فــي مـا لا ينميهـــا برنامج .. مســابقه .. جلسـه رياضيّـة أهـم شــي العـقـــول تكـــون مشغــوله فأشياء لا يــمكـن تسمـى : مصــيريّـة لذا تكـون الشــعـوب أجسـاد تتكاثـر وتمـارس الدجّـه بصــورة جمــاعيّـة والمجتمـع مسرحيـة والبــطـل فيهـا أفضـــل ممـثــل لتمثـــيـل المثــالـيّـة والانتمــــاءات للأفـكــار والمـــذهـب ماهيب محصـورة بموطـن وجنسيّـة تشل جسـم البلـد وتشتـت الوحـدة تزرع تفـرّق وتجنـي حـرب أهليّـة والناس فالناس مدري ويـش مشغلهـا حسبي على نـزعـة النــفـس الأنـانيّـة تخلـي الآدمـــي مشغــــول فـي ربــعـه عيــن فبـني عمـه وعيـــن فبنـي خيّـة عنده حساسيّة مـن الناجـح الاقـــرب والقـرب لا زاد .. تـــزداد الحساسيّـة ولو انه مراقب أوضاعـه و مصلحهـا كـان العــلاقـات بالغـــالـب حــميمـيّـة والرجل لابـد يصنـع نفسـه بنفسـه ويجابـه المستحـيـلات بعـصامـيّــة تحفـظ قيــاسيّـة الارقــام وتسجــل من أجـل تحطيـم الارقـام القياسيّـة وتعامل الشخص مع غيره يبيّـن لـك مقــدار مـافيـه مـن أزمـات نــفسيّـة والــرحمه اصـدق مشاعرنـا وأروعهـا لله در .. الـتـــواضـع والمحـنـيّــــة وممارسة قوة السلطة علـى ضعيّـف ردة فعل نــاتجة عن ضعـف شخصيّـة على التناقض تعيـش العالـم وتحيـى بعقـــول وحـــده وبافـكـــار انتقـائـيـة ولا هو ضـروري طبايعهـم تفرقهـم الاختـــلافـات أحيـانـا ً ظــــروريّـة ما يجذب الموجب إلا روعـة السالـب والضـد بالضـــد قمـة بالرومنسـيّـة خذني مثل حي رغم إعجابـي بنفسـي وتقــديري لكـل طبـــع وخصـلـة ٍ فيّـة عمــري ما حبيت وحده طبعهـا طبعـي أنـــا حيـــاوي ولا أحـــب الحيــاويـه اسرفت واعذرني اليا اسرفت يا ضيفي الليلـة زيــارتـك مـا هيـــب عــــاديّـة اليا متى والشعر مـا يشبـه الشــاعـر وعــلاقتـه فيـه محـــدودة ورسميـة لكن خلاصة حديـث المـدرك الهايـم فـي وادي افكــاره الغــرّ الفـجائـيّـة لو كل ما سـاد بيـن النـاس مقنعنـا ما عاش الابـداع فـارض الاتباعيّـة مع وافر الكـره والتحقيـر والضيقـه سحقا ً .. لكـل السخافـات الوراثيّـة .......... .. لـــــين العــــــود .. ليّـن العـود مـــال وميّـــل ظـلالـه وايق بصـدر شـاعـره وقفـل بيتـه فـــوق قلبـي تـركـ يمنـاه وشمالـه واسبـل الــدمـع وابـكانـي وبكيتـه كنــه يقول : شـي ٍرحـت مـا قالـه وكني اقول: لا تــوّصيـه وصيتـه!! وان تنـهت مـن الفرقـا علـى فـالـه كنها: رمـاح في صـدري تـناهيتـه قلت له : والظروف أقوى من آماله اعتبـــر حبّنـا مــوقـف وعــديتـه!! عيش دنياكـ وانسى الحـب وهـبالـه وانا بنسـاك !! وازعلتـــه وخـليتـه عنــدي اني : اليا ضايــقتـه اشوالـه وعنـده انـي : تنكـــرت وتنــاسينـه ويعلم الله .. مانـي سالـي ودالـــه ماخبـر يـــوم مـــرّ .. ولاتمنيـتـــه احلم فيه .. واصحى .. وتهيى لـه كـــم تخيّــلتـه وزانـي ونـــاديـتـه؟! مايس القد صــالبني على اطلالـه! مـن تــركتـــه مكـانــي مـا تعــديتـه ما اقدر انساه وانسى وفرة خصاله اقسـم بــربـي اغلــيـتـه وحبيـــتـه من تقهـــواه عشـق وهـــز فنجالـه جعلــه يمــوت قبـل يشـوف ذريتـه والله انـي حـزيـن وحالتـي حــالـه كل مـا يُمكـن اســـويـه ســويتـه ! ليتني أقدر اعرف وشهي أحوالـه ؟ ولا عن حـالتي عقــبه درى ليتـه ! وليتني كل مـا مــريـت فـي بــالـه أدري انـي علـى بــالـه ومــريتــه يكفى احساسي بوصله عن وصالـه بشــعر بجيّتــه لـــو كـان مـا جيتـه وليتــنـي قبـــل مـا اخليـــه بلحالـه بســت راسـه وودعتـــه وخليـــتـه !.. ...... |
| |
|
01-09-2010, 01:45 PM
| #3 (permalink) |
 لونـي المفــَضـَل: Cadetblue |
يعطيك العــافية على مجهـــودك الرائــع...وتقديمك الجميــــلــ... شكراً من الاعمااااق...ماننحرم من جديدك |
| |
|
01-09-2010, 05:46 PM
| #4 (permalink) |
|
كبار الشخصيات لونـي المفــَضـَل: Cadetblue |
النـــايــفـــ ... اشكــركـ علــى مـــروركـ العــذب والــرآقي وماننحــرم من طلتــكـ يالغــلآ دمــتــ .... |
| |
|
01-09-2010, 06:33 PM
| #5 (permalink) |
|
كبار الشخصيات لونـي المفــَضـَل: Cadetblue |
... ضـــــاق صــــــدري ... الـطـيـش عـــــذرك ! والمـقـاديـــر عــــذري ! والـفــرق واضــح واقـطــع الـقــال والـقـيـل مــا ضـاقـت الدنـيـا ولــو ضـــاق صـــدري كــذا !! مــدام الضـيـق اصـبـح تسـاهـيـــل؟ صـابــر عـلـيـك ولا نـفــع فــيـك صــبــري يعنـي عـن اذنــك مــا بـقـى فالصـبـرحـيـل صــديـــت والـــصـــده تـعـلــمــك قــــــدري البُـعـد يكـشـف ويـــش قـــدر الريـاجـيـل! بـسـري لا تســـألـنـي عـلـى ويــن بـســري دام الـسـهــر لـجـفــون عـيــنــي مـداهــيــل لا تــقــول سـامـحـنـي ولا تــقــول بــــدري بـــدري مـــن أعـمــار الـخـبـول المـهـابـيـل اللـيـل يـغــري ! وانـــت طعـنـتـك تـغــري ! والقاف وش يبغى سوى ( طعنه و ليل ) !! بــآجــر صــوتــي وانــطـــرب دام فـكـــري زعـلان مـن جيليـن راضـي عـلـى جـيـل ii؟؟ وقـصـيـدي الـلــي كـبّــره صــغــر عــمــــري يـسـوقـنــي لـلـمـجــد ســـــوق الـفـنـاجـيـل يـطـري عـلـيّ لا ضـقـت ولا انـــت تـطــري كـل مـا طرالـي الدمـع ! واخـذ التفاصـيـل : الـدمـع : مـاهـو ( مــا ) أهـلـه ويـجـري ؟! الـشـاعـر دمــوعــه قـصـيــد ومــواويــل !! بـكـيـت لـــك ( بـيـتـيـن ) وابــيــك تــــدري أن الـشـعـر مـنـهـا غـــدى دمــعــه يـسـيــل مــا عــرّف أوراقــي عـلـى طـيـش حـبــري الا : رداة الــحـــظ و الــعــشــق والـــويـــل ولا ضيّق الدنيا وسـط ( عيـن شعـري )؟؟ الا غــــدر نــســل الــرجــال المـشـاكـيـل ............................. ... لا تحبّــه كثــر ما حبّيتنــي ... ليت لي حيلـه واجي واحتـال بك وليت ما قلـت بحيــاتـي ليـتنـي !! يابـري حالـي ليامـن مــال بــك الـتـغـنّـج والــدلــع لا جـيـتـنــي دوم أحـس انـه نعاسـك غالـبـك معنّي رموشك ! وانا عنّيتنـي ii! بس ذا المره ما طاب الفـال بـك جيـت ولــدرب الجـفـا حديتـنـي لكن أسمع هالشعر وش قال بك دام صبت اللي تبـي واخطيتنـي الـغـلا حـقـك ! ولانــي سـالـبـك ابـسـط حقـوقـك ولــو مليـتـنـي شوف عيني يوم دمعي سال بك ضمـتـك حـتـى ولـــو ابكيـتـنـي وانت رغم اني شغلت البال بـك سلت مع دمعـك ولا ضميتنــي ؟! كــان بــه شــي ٍ علـيّـه قـــالـبـك بطـلـبـك حــاجــه إذا خلـــيـتـنـي لانـويـت تـحـب غـيـري طالـبـك لا تحـبّـه كـثـر مــا حبّيـتـــنـي !! ...........................................  لايــطــوّل سـكـوتــــك ولا يــطـــوّل سـكــاتــي تــــرى الــدعـــاوي بـسـيـــطــه لا تـكــبّـرهــا خـلــك عـلــى خـبــري وظــنــي وهـقـواتــي خـابـرنـي الـضـيـق والـضـيـقـات خـابـرهــا وسّـــع لـــي الـبــال يـــا سـيّــد طمـوحـاتـي ولا تـغـيّـر الـنـظـره الـلــي كـنــت تنـظـرهـا تـقـول : حــب البـشـر طـــوّق مـسـاراتـي ؟ ابـــك انـــت حـبــك مـسـاراتـي يسـيّـرهـا !! ان غـبـت عـانــت عـيـونـي مـــن معـانـاتـي وذكــــرك يـصـبّـرنـي وطـيـفــك يـصـبّـرهــا لا يـــا بـعــد شـهـرتـي واعـظــم نجـاحـاتـي وكـل القصايـد مــن ابسطـهـا لـيـا اشهـرهـا ولا يـــا بــعــد مــــن يــــدوّر لإنـكـسـاراتـي شـعّـار سـبـب وجــودي ضـيـق خاطـرهـا !! انــت أجـمـل الـلـي تسـجـل فـــي سـجـلاتـي ان جيت : وين البشر ؟ وان رحت : مكثرها يـــا اوّل وآخـــر قـصـيـدي وآروّع ابـيـاتــي مـحـدٍ يـحــب القـصـايـد كـثــر شـاعـرهـا !! مـــا فـــاق حـبــي لــــك الا حــبــي لــذاتــي يـعـنــي احــبــك مـحـبّــه مــــا اتـصــوّرهــا يـا اصـدق مـن النشـوه الـلـي فــي بدايـاتـي لا قـلـت لــي كـــم بـيــت وقـالــوا انـشـرهـا واغـلـى مــن الدمـعـه الـلـي كــل صـدمـاتـي تـطـلـب يديـيـهـا !! واحـجّـرهـا ولا انـثـرهـا وآحـــن مـنــي عــلــيّ أن شــفــت زلاّتــــي الــقــاك بـررتـهــا لــــو صــعــب ابــررهـــا واطـهــر حـكـايـة مـحـبّـه فــــي حكــايــاتـي مـــن قـبــل لا عيـشـهـا حسّـيـتـك اطـهـرهـا لا تـلـومـنـي لا بــديــت آخــــاف وآحــاتــي كـــل حـاجــةٍ غـالـيـه مــــا ودّي اخـسـرهــا ولا تــضــايــق لـــيـــا كـــثّـــرت جــيّــاتــي ضـيّـعـت فـيــك السـنـيـن وجـيــت ادوّرهـــا تـــعـــال رتــبــنــي ورتــــــب حـسـابــاتــي أو تــدري شـلـون ؟! رتبـنـي و بعـثـرهــا ! مــو مشكـلـه لــو تصـيـر اطــوّل مسافـاتـي المـشـكـلـه لابــديـــت احــسّـــك اقـصــرهــا أكـبــر عـيـوبـي : بـديـتـك مــــن نـهـايـاتـي وأكـبـر عيـوبـك : لقـيـت أوّلــك بآخـرهـا !! يــا مكـتـشـف عـالـمـي واقـــدم حـضـاراتـي حـــرام كـســر الـخـواطـر بـيــد جـابـرهـا ؟! مــدام تـقــدر عـلــى الـلــي فـــوق قـدراتــي لا تـذخــر الـفـزعـه الـلــي قــلــت ذاخــرهــا رجـعـنــي لـوقـتــي أو رجـعــلــي اوقــاتـــي عـامـيــن تـنـطـرنـي وعـامــيــن نـاطــرهــا وتـقــبــل الــــــود والــشــكــر وتـحـيــاتــي يــا سـاكـن الـــروح والـــروح ومشـاعـرهـا وروّق وركّــــز وحــــاول تـفـهــم الآتـــــي: فــكـــره تــأكـــد قـلــيــل الــلـــي يـفـكــرهــا لـــو أن غـيــري مـعــاك يـســوي ســواتــي قلـت : انـت نعمـه وهــو عـاجـز يقـــدّرهـا !! ..........  بـيـنــي وبــيــن الـشـقــا ســـــلام رديّـــــه يفـتـل جـروحـي وانـــا انقـضـهـا بـمـوالـي عـيّـدبـي الــهــم واثــــر الــدمــع عـيـديّــه ولانــــي بــذاخــره دام عـيـونــي عـيـالــي يــا عـيـن هـلّـي دمـوعــك كـــل عـصـريّـه وان لمتـك فيـوم قولـي : ( مالـك ومالـي ) مـحـتـاج طـــاروق لـــه مـعـنــى وقـافـيّــه واستـبـشـري خـيــر ! والـشـعـر يتهـيّـالـي الـقــدح مـــن فـكــري وفــالــراس جـنـيّــه وان حـضّـرت بــي كتـبـت العـالـي العـالـي مـا شلتـهـا عـرضـه ! ولا هــي هجينـيّـه ! غنّـيـتـهـا مـــــدري الــطـــاروق غـنّــالــي بـــس الـوكــاد إنـهــا : قــصّــه غـرامـيّــه أبـطـالـهــا هــمـــي وغــمـــي وغـربــالــي وان قـالـوا الـنــاس : ذا طـبــع الـهـواويّـه قلـت : استـوى عـنـدي التـريـاق والحـالـي الـعـشـق بـلــوى ونـفـسـي فــيـه مـبـلـيّـه خـلـونـي اكـتــب وافـضـفـض لا تفـضـالـي المـسـألـه أكــبــر مــــن احــــلام ورديّــــه الـحـزن لا مــن لـفـا جـيـتـه عـلــى فـالــي حزنـي واعـرفـه واعــرف ابـسـط مـواريّـه ولانـي لحالـي كثيـر اللـي عــرف حـالـي ! يــا وجــد حـالـي وجـــود الـلــي هـقـاويّـه خـانـتـه بـاغـلـى رفـيــق ولا لـقــى والـــي ويـاوجــد حـالــي وجـــود الـلــي بنـاخـيّـه عـن عسـر حالـه وضيقـه دالـه وسالـي !! فــــي غـيـبــة الــلــي تــمــادى بـالانـانـيّـه وخـلانـي بـوجـه حـزنــي واقـــف لـحـالـي يــا مـوّسـع الضـيـق لامـــن مـــر طـاريّــه كـن الوسيعـه تضيـق ان مـر فـي بـالي !! ويــن انــت ؟ يالـلـي غيـابـك مـثــر ٍ فـيّــه غايب !! واحسك معي !! واشوفك قبالي !! طـيـفـك لــيــا مــــر حــاجــه لا إراديّــــه ! اتـبــع سـرابــه واجـيــه اسـابــق ظــلالــي يالـلـي مــن حـروفــك تـغــار الرومنـسـيّـه والله قـبــل لا افـقــدك فـاقــدك جــوّالــي !! في ( بحّتك ) شي ؟! يشبه حزن مرثيّـه !! ومن غاب صوتك وانا اللي صـدق يرثالـي وعـيـونــك الــســود إعــجـــاز وخـيـالـيّــه نــادر شبهـهـا مـثـل مـــا تـنــدر خـصـالـي ونـظـرتـك تـهــدم كـيـانـي بـكــل عـفـويّــه سلهـم وشــف كـيـف يـبـدى فــي ّ زلـزالـي وعــودك لـيـا مــال يـــا الـمـتـرف بحـنـيّـه قـمـت اتـعــزوى واطـــوّح لـجـلـه عـقـالـي وقـلـبـي عــلــى ظـمّـتــك يـسـابــق يــديّــه ويـردنـي طـيـب ابـــوي ومـرجـلـة خـالــي تـكــفــون يـالــلــي تــمــرونــه عــلانــيّــه قولـوا لـه : المـوت لامـن غـاب يبـرالـي ! وقولـوا لـه : ان غيبتـه مــا هـيـب عـاديّـه وخـلـوه يـرجـع يـشـوف بعـيـنـه احـوالــي وقـولـوا لــه : انــه ذبحـنـي لعنـبـوا حـيّـه مـا يرحـم الشـوق غالـي ينتـظـر غـالـي !! وقـولـوا لــه : ان صــد والـصـده نهـائـيّـه اشـوالـي آصــد !! لا والله وش اشـوالـي !! حـيـل الله اقــوى عـسـاهـا روحـــه بـجـيّـه وعـسـاه مــا يـبـطـي ويـرجــع ويسـعـالـي وقـولـوا لــه : الله حسيـبـه كــان لــه نـيّـه مـا عـاد يرجـع لـي وقـولـوا لــه التـالـي : حـرام كلّـي ( ظـمـا ) وايـديـه ( وسمـيّـه ) وحرام ( مالـي أمـل ) مدامـه ( آمالـي ) !! ............................ ... ابســــــافـــر ... يقـول المحـبـه ويــش لــو غـابـوا الاحـبـاب؟ أقول الجسـد مـن غيـر نبـض وشعـور وروح يـقـول النـهـار يغـيـب وش موقـفـك لاغــاب؟ اقول: ان رضيت اسكت يصير السكوت البوح يـقـول السـتـر سمـعـه وذكــر وفـعـل وثـيـاب اقـول: المحـب مـن الولـه والسهـر مفـضـوح يقـول انـت قايـل لـي بسافـر بــدون عـتـاب؟! اقول:ايـه قبـل اضـيـع فــي وجـهـك الممـلـوح قـبـل تـبــدي الاعـجــاب وابـادلــك الاعـجــاب قبـل تاخـذ احسـاسـي وقلـبـي عـبـث وتــروح قـبـل ينفـتـح لــك بـيـن عــوج الحنـايـا بــاب ويبقـى عـلـى طـاريـك طــول العـمـر مفـتـوح قـبــل لا اتـوهــق فـيــك يـالـصـادق الــكــذاب قـبـل لا اتحـطـم مـنـك يالمخـطـي المـسـمـوح قـبــل لاتعلـقـنـي وتــرحــل بــــدون اســبــاب قــبــل لاتعـلـمـنـي أعــــد الـسـنـيـن جــــروح قـبـل يتبـعـك وانــت تـمــادى جـفــا وغـيــاب قصيـدي ودمـع عيـونـي وصـوتـي المبـحـوح ياليت الزمـن يرجـع واحسـب لجفـاك حسـاب وعـد مـا اتعـلـق فـيـك وانـسـاك قـبـل تــروح .......... |
| |
| الكلمات الدلالية (Tags) |
| أحلــى, الله, الشـــاعر, السهلـــي, ديــوآن, حــار |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:39 AM.
Sitemap php Sitemap txt Sitemap tags.txt
Top Stories
Search Engine Optimization by vBSEO 3.6.1
